الست الفهمانة الاقتصادية.. قصة رائعة فيها الكثير من الحكم

قصة وعبرة/راما.ب.محمد الست الفهمانة الاقتصادية.. قصة رائعة فيها الكثير من الحكم مراتي نزلت من 5 شهور تشتري نص كيلو لبن بخيره عشان تحطه على القهوة.. البقال قالها بـ15 جنية.. رفضت تشتريه ورجعت مصممة على إني أشتريلها جاموسة على وش ولادة نستفيد باللبن وبلحمة العجل لما يكبر ويتدبح .. فإشتريت وجزاها اللّٰه كُل خير, بقينا نشرب كُل يوم لبن طازة وبصراحة فارق في صحتي أنا والأولاد. وبعدها بشهر تقريبًا نزلت تشتري فرختين عشان الفراخ المتخزنة في الفريزر كانت خلصت.. الفرارجي قالها بـ70 جنية.. رفضت تشتري برضوا!!! ورجعت مصممة أشتريلها 50 فرخة تربيهم نستفاد بلحمتهم وببيضهم اللي بقى معدي الـ4 جنيه.. فإشتريت, والحمدُّ للّٰه بناكُل منهم على آخرنا بقالنا شهرين ولسه باقي ربعهم غير اللي فرقناه على الحبايب. حتى الخضروات إستغلت أسعارها، فباعت 5 فراخ و50 كيلو لبن ووفرت 1500 جنيه.. وصممت أنزل معاها.. لمتابعة القصة اضغط على الرقم 2 في السطر التالي 👇 تشتري تربة صناعية وبذور فلفل وشطة وبتنجان وطماطم وخيار وشبت وبقدونس وزرعتهم فوق السطح بشكل منظم مع ورد وريحان ونعناع، وبفضلٍ من اللّٰه مفيش ولا زرعة فشلت.. فالتلاجة عمرانة من شهر ونص فاتوا.. والسطح كأنه جنة مابنشبعش قعاد عليها، ده غير إني كل إما أزعلها بقطفلها وردة فبتصفى على مفيش.. بسم اللّٰه ما شاء اللّٰه عليها، بركة قادرة في يوم وليلة تحوِّل اليابس لأخضر وليها في كُل حاجة تكتر الرزق وتوفر فيه بدون ما تحسسنا.. لحد إمبارح بس تعبت شوية فقولتلها تعالي معايا نكشف عشان مش قادر أمشي.. قالتلي على عيني ودخلت لبست في ثانية وأخدتني في إيديها لحد ما وصلنا العيادة وقعدتني على كرسي وأخدت مني الفلوس ودخلت تحاسب.. فلقيتها بتزعق للي بتقطع الكشف، قومت أشوف في إيه!، قالتلي: للمتابعة اضغط على الرقم 3 في السطر التالي 👇 بتقولك الكشف بـ150 جنية! فقولتلها وإيه يعني، هو إحنا بنتعب كل يوم؟ قالتلي وهو عشان مبنتعبش كل يوم هيستغلونا! وصممت تمشي.. فمشيت معاها.. لقيتها تاني يوم وخداني عـلي بيت واحدة صاحبتها.. فقولتلها بغـضب مــش هنكشف ولا إيه؟ قالتلي هتكشف عليك هي! قولتلها دي لسه محضرتش الدكتوراة يبنتي! قالتلي: لمعرفة نهاية القصة اضغط على الرقم 4 في السطر التالي 👇 بكُل ثقة بس مسيرها تبقى دكتورة وبصراحة مفيش أولى من أهلنا وأصحابنا تدرب نفسها عليهم وخاصةً لإنها شاطرة وتستاهل كُل خير. أقنعتني، فطلعت معاها والست مشكورة كشفت عليا بالسماعة، وقاستلي درجة الحرارة وعملت مُكالماتها مع دكاترتها وكتبتلي العلاج.. فشكرتها ودعيتلها وهى طبــطبت عليها وبلطف الكلام دعمتها وإستأذنا ونزلنا نجيب العلاج. كانت دكتورة اللي واقفة في الصيدلية، والعلاج كان فيه حقن.. فجيت أقولها إديني حقنة يا دكتور.. داست عـلـي رجلي وقرصتني من دراعي وحمرتلي عينيها وقالتلي هديهالك أنا!!! فقولتلها بس إنتي مبتعرفيش تدي حقن! قالتلي هتعلم! ورنت عـلـي صاحبتها عرفت منها بعض التفاصيل؟؟؟ وبمجرد ما روحنا البيت فتـــحـــت اليوتيوب إتفرجت عـلـي كذا فيـديـو عملي، وقالتلي بكُل ثقة تعالى.. فروحتلها، إدتني حقنة.. حسبي اللّٰه ونعمَ الوكيل من ساعة ما أخدتها إمبارح بليل وأنا لا عارف أقعد ولا عارف |نـام عـلي ضهري!!😢😢😢